• Register

Melur News

மேலூர் அருகே நெல் பயிர் கருகியதால் வயலில் மயங்கி விழுந்த விவசாயி சாவு

நெல் பயிர் கருகியதால் மனவேதனையில் வயலில் மயங்கி விழுந்த விவசாயி மாரடைப்பால் பரிதாபமாக உயிரிழந்தார்.

நிலத்தடி நீர்

மதுரை மாவட்டம் மேலூர் அருகே உள்ள பதினட்டாங்குடியை சேர்ந்த மந்தக்காளை என்பவருடைய மகன் ராமு ( 47 ). விவசாயியான இவர் 2 ஏக்கரில் வாழையும், 1 ஏக்கரில் நெல்லும் பயிரிட்டு இருந்தார். இந்த பயிர்களின் தண்ணீர் தேவைக்காக கூட்டுறவு வங்கி மற்றும் வெளி இடங்களில் கடன் வாங்கி கிணற்றை தூர்வாரி விவசாய பணிகளை மேற்கொண்டு வந்தார்.

இந்தநிலையில் கால்வாயில் பெரியாறு பாசன தண்ணீர் வராததாலும், மழை பெய்யாததாலும் கடும் வறட்சி ஏற்பட்டு மேலூர் தாலுகாவில் தற்போது நிலத்தடி நீர் குறைந்து வருகிறது.இதையடுத்து வாழை, நெல் பயிரை எப்படி காப்பாற்றுவது, வாங்கிய கடனை எப்படி அடைப்பது என்று மனவேதனை அடைந்த விவசாயி ராமு அவருடைய மனைவி பஞ்சுவிடம் இதுகுறித்து கூறிஉள்ளார்.

இந்த நிலையில் வழக்கம் போல் கணவன் மனைவி இருவரும் வயலுக்கு சென்றுள்ளனர். அப்போது வயலில் நெல்பயிர்கள் கருகியதை பார்த்த ராமு திடீரென மயங்கி விழுந்துள்ளார்.

சோகம்

உடனே அவரை, சிகிச்சைக்காக அவருடைய மனைவி மற்றும் உறவினர்கள் மேலூர் தனியார் ஆஸ்பத்திரிக்கு கொண்டு சென்றனர். அங்கு விவசாயி ராமுவை பரிசோதனை செய்த டாக்டர்கள், அவர் மாரடைப்பால் உயிரிழந்து விட்டதாக தெரிவித்தனர். விவசாயி ராமுவுக்கு ரூபன்குமார் ( 17 ), ராகுல் (16 ) என்ற 2 மகன்கள் உள்ளனர். விவசாயி ராமு இறந்ததினால் கிராமமே சோகத்தில் ஆழ்ந்துள்ளது. இதுகுறித்து தகவல் அறிந்த மேலூர் போலீசார் வழக்குப்பதிவு செய்து விசாரணை நடத்திவருகின்றனர்.

 

Source: http://www.dailythanthi.com/News/Districts/Madurai/2017/01/07011609/Rice-crop-near-MelurIn-the-field-fainted-karukiyat.vpf

கரும்பில் பிடித்த தீயை அணைக்க முயன்ற விவசாயி மூச்சுத்திணறி உடல் கருகி பலி

மேலூர் அருகே உள்ள வெள்ளலூரை சேர்ந்த விவசாயி சிவசாமி ( 70 ). உச்சியரிசான்பட்டி ரோட்டில் உள்ள இவருடைய வயலின் அருகே ஊருக்கு செல்லும் பாதையில் இருந்த அருகம்புல்லுக்கு தீ வைத்து அப்புறபடுத்திஉள்ளார். அந்த தீ வேகமாக பிடித்து அருகே ராமானுஜம் என்பவருடைய வயலில் பயிரிட்டுள்ள கரும்பு தோட்டத்திற்கு பரவி பற்றி எரிந்தது.

இதை கரும்பில் பிடித்த தீயை அணைக்க முயன்ற விவசாயி சிவசாமி மூச்சுத்திணறி தீயில் சிக்கி உடல் கருகி பரிதாபமாக உயிரிழந்தார். இதுகுறித்து தகவல் அறிந்த கீழவளவு போலீசார் வழக்கு பதிவு செய்து அவரது உடலை கைப்பற்றி பிரேதபரிசோதனைக்காக அரசு ஆஸ்பத்திரிக்கு அனுப்பி வைத்து விசாரணை நடத்தி வருகின்றனர்.

 

Source: http://www.dailythanthi.com/News/Districts/Madurai/2017/01/06212708/Dress-cane-fireTried-to-turnFarmer-suffocated--The.vpf

Melur Links

Get it on Android Playstore

Likeus On Facebook