• Register

Melur News

சங்கரலிங்கம் கோயிலில் 108 சங்காபிஷேக விழா

மேலூர் அருகே உள்ள தும்பைப்பட்டி சிவாலயபுரத்தில் அமைந்துள்ள  சங்கரலிங்கம் சாமி கோயிலில் கார்த்திகை சோமவரத்தை முன்னிட்டு 108 சங்காபிஷேகம் நடைபெற்றது. தும்பப்பட்டி சிவாலயபுரத்தில்  சங்கரலிங்கம்,  சங்கர நாராயணசாமி,  கோமதியம்மன் கோயில் உள்ளது. இக்கோவிலில் கார்த்திகை மாதத்தில் வாரந்தோறும் சங்காபிஷேக விழா நடைபெற்று வருகிறது. கடைசி வாராமான நேற்று சிவனுக்கு முன்பு 108 சங்குகளை கொண்டு சங்காபிஷேக நிகழ்ச்சி நடைபெற்றது. இதனை தொடர்ந்து சிறப்பு பூஜைகள், அலங்கார ஆராதனைகள் நடைபெற்றன.

விழாவிற்கான ஏற்பாடுகளை குருக்கள் ஹரிஹரன், விழா குழுவினர் கண்ணதாசன், பாண்டி, செல்வம், மோகன், அங்கப்பன், தேவதாஸ், சுந்தரராஜன், சிவராமன், சங்கரன் வகையறா பங்காளிகள் செய்திருந்தனர்.

 

Source: http://www.dinakaran.com/District_Detail.asp?Nid=660144

மர்மகாய்ச்சல் பாதித்த நரசிங்கம்பட்டியில் மருத்துவக்குழு முகாம்

மேலூர் அருகே நரசிங்கம்பட்டியில் கடந்த சில தினங்களாக மர்ம காய்ச்சல் பாதித்து 25க்கும் மேற்பட்டோர் சிகிச்சை பெற்று வருவது குறித்து ‘தினகரன்’ நாளிதழில் படத்துடன் செய்தி வெளியானது. இந்த காய்ச்சலுக்கு ஊருக்கு நடுவில் உள்ள நொண்டிச்சாமி கோயில் குளம் கழிவு நீராக மாறி, கொசு உற்பத்தி ஆகும் இடமானதுதான் காரணம் என கிராம மக்கள் குற்றம் சாட்டினர்.
 
தினகரனின் செய்தியை தொடர்ந்து நேற்று சுகாதாரத் துறை, மருத்துவத் துறை, கிராம ஊராட்சி இயக்குநர் என நரசிங்கபட்டியில் முகாமிட்டனர். வட்டார மருத்துவ அலுவலர் அம்பலம் சிவனேஸ், கிராம ஊராட்சி கூடுதல் இயக்குநர் லட்சுமி நேரில் ஆய்வு நடத்தி சில உத்தரவுகளை பிறப்பித்தனர். இதனை தொடர்ந்து தெற்குதெரு மருத்துவ அலுவலர் வசுமதி தலைமையில் காய்ச்சல் பாதித்த 80க்கும் மேற்பட்டோருக்கு சிகிச்சை அளித்து மருந்து மாத்திரை வழங்கப்பட்டது.

வட்டார சுகாதார மேற்பார்வையாளர் ஜாபர் தலைமையில் சுகாதார ஆய்வாளர்கள் சந்தோஷம், சுந்தர், சுந்தரேஸ்வரன், ராஜேஷ்கண்ணா மற்றும் பகுதி சுகாதார செவிலியர் மாலா தலைமையில் 4 கிராம சுகாதார செவிலியர்கள் என 20க்கும் மேற்பட்டோர் சுகாதார பணிகளில் ஈடுபட்டனர். மேலூர் யூனியன் பிடிஓக்கள் கலா மற்றும் ராஜலட்சுமி ஆய்வு செய்தனர். கழிவுநீர் குளம் குறித்து இவர்களிடம் கிராம மக்கள் புகாரை தெரிவித்தனர். உரிய நடவடிக்கை எடுப்பதாக அவர்கள் உறுதி அளித்தனர்.

 

Source: http://www.dinakaran.com/District_Detail.asp?Nid=660152

Melur Links

Get it on Android Playstore

Likeus On Facebook