• Register

Melur News

மேலூர், உசிலம்பட்டி, திருமங்கலத்தில் நீச்சல்குளம் அமைப்பது குறித்து பரிசீலிக்க ஐகோர்ட்டு உத்தரவு

மதுரை சர்வேயர் காலனியைச் சேர்ந்த சுந்தரராஜ், மதுரை ஐகோர்ட்டில் தாக்கல் செய்த மனுவில் கூறியிருந்ததாவது:-

கிராமங்களில் உள்ள இளைஞர்கள் அங்குள்ள கண்மாய், குளங்களில் நண்பர்களுடன் சென்று நீச்சல் பயிற்சி பெறுவதை வழக்கமாக கொண்டுள்ளனர். ஆனால் கடந்த சில ஆண்டுகளாக பருவ மழை போதிய அளவு பெய்யாததால் நீர்நிலைகள் வறண்டு காணப்பட்டன.

இதனால் சிறுவர்கள், இளைஞர்கள் நீச்சல் பயிற்சி பெற முடியவில்லை. மதுரை மாநகராட்சியில் ஒரே ஒரு நீச்சல் குளம் மட்டுமே செயல்பட்டு வருகிறது. பல கிலோ மீட்டர் தூரத்தில் உள்ள கிராமங்களைச் சேர்ந்த இளைஞர்கள் இங்கு வந்து நீச்சல் பயிற்சி பெறுவது சாத்தியம் இல்லை.

எனவே நீர் நிலைகளில் தண்ணீர் இருந்தாலும், இல்லை என்றாலும் ஆண்டு முழுவதும் கிராமப்புற இளைஞர்கள் நீச்சல் பயிற்சி பெறும் வகையில் மதுரை மாவட்டத்தில் உசிலம்பட்டி, மேலூர், திருமங்கலம் ஆகிய நகராட்சி பகுதிகளில் அரசு சார்பில் நீச்சல் குளம் அமைக்க உத்தரவிட வேண்டும்.

இவ்வாறு மனுவில் கூறியிருந்தார்.

இந்த வழக்கை விசாரித்த நீதிபதிகள் கே.கே.சசிதரன், பி.டி.ஆதிகேசவலு ஆகியோர், மனுதாரர் தனது கோரிக்கை குறித்து சம்பந்தப்பட்ட நகராட்சி அதிகாரிகளிடம் மனு அளிக்க வேண்டும். அதன் அடிப்படையில் அதிகாரிகள் 4 மாதத்தில் பரிசீலித்து உரிய நடவடிக்கை எடுக்க வேண்டும் என்று நீதிபதிகள் உத்தரவிட்டனர்.

 

Source: https://www.dailythanthi.com/News/Districts/2019/01/10040407/The-court-ordered-to-consider-the-suspension-in-Melur.vpf

மேலூர் அருகே மர்ம காய்ச்சலுக்கு நிறைமாத கர்ப்பிணி பலி; பன்றி காய்ச்சலுக்கு மேலும் ஒரு பெண் சாவு

மேலூர் மற்றும் அதனை சுற்றியுள்ள கிராமங்களில் கடந்த சில வாரங்களாகவே பொதுமக்கள் காய்ச்சலால் பாதிக்கப்பட்டு உள்ளனர். ஆங்காங்கே தேங்கி கிடக்கும் கழிவுநீரால் சுகாதார சீர்கேடு ஏற்பட்டுள்ளதுடன், காய்ச்சல் பரவுவதாக பொதுமக்கள் புகார் தெரிவித்தனர். இருப்பினும் அதிகாரிகள் உரிய நடவடிக்கை எடுக்கவில்லை என்று கூறப்படுகிறது. இதனால் பலரும் காய்ச்சலால் ஆஸ்பத்திரிகளில் சிகிச்சை பெற்று வருகின்றனர்.

இதேபோல் மேலூர் அருகே உள்ள சாலக்கிப்பட்டியை சேர்ந்தவர் ராஜபாண்டி. எலக்ட்ரீசியனாக வேலை செய்து வருகிறார். இவருடைய மனைவி வீரசிகாமணி. இவர்களுக்கு தாருன்யாஸ்ரீ, தன்யாஸ்ரீ என்ற 2 பெண் குழந்தைகள் உள்ளனர். இதற்கிடையில் தற்போது வீரசிகாமணி நிறைமாத கர்ப்பிணியாக இருந்த நிலையில் அவருக்கு மர்ம காய்ச்சல் பாதிப்பு ஏற்பட்டது.

இதனைத்தொடர்ந்து அவர் மேலூரில் உள்ள தனியார் ஆஸ்பத்திரியில் சேர்க்கப்பட்டு சிகிச்சை பெற்று வந்தார். ஆனால் அவருக்கு காய்ச்சல் குறையவில்லை. அதன்பிறகு தீவிர சிகிச்சைக்காக மதுரை பெரிய ஆஸ்பத்திரியில் அனுமதிக்கப்பட்டார். அங்கு வீரசிகாமணிக்கு டாக்டர்கள் தீவிர சிகிச்சை அளித்தனர். ஆனால் சிகிச்சை பலனின்றி அவர் பரிதாபமாக இறந்துபோனார்.

மர்ம காய்ச்சல் பாதிப்பால் கர்ப்பிணி உயிரிழந்த சம்பவம் சாலக்கிப்பட்டி கிராமத்தை சோகத்தில் ஆழ்ந்துள்ளது.

 

Source: https://www.dailythanthi.com/News/Districts/2018/11/20020031/Mystery-fever-kills--pregnant-woman.vpf

Melur Links

Get it on Android Playstore