• Register

மேலூர், உசிலம்பட்டி, திருமங்கலத்தில் நீச்சல்குளம் அமைப்பது குறித்து பரிசீலிக்க ஐகோர்ட்டு உத்தரவு

மதுரை சர்வேயர் காலனியைச் சேர்ந்த சுந்தரராஜ், மதுரை ஐகோர்ட்டில் தாக்கல் செய்த மனுவில் கூறியிருந்ததாவது:-

கிராமங்களில் உள்ள இளைஞர்கள் அங்குள்ள கண்மாய், குளங்களில் நண்பர்களுடன் சென்று நீச்சல் பயிற்சி பெறுவதை வழக்கமாக கொண்டுள்ளனர். ஆனால் கடந்த சில ஆண்டுகளாக பருவ மழை போதிய அளவு பெய்யாததால் நீர்நிலைகள் வறண்டு காணப்பட்டன.

இதனால் சிறுவர்கள், இளைஞர்கள் நீச்சல் பயிற்சி பெற முடியவில்லை. மதுரை மாநகராட்சியில் ஒரே ஒரு நீச்சல் குளம் மட்டுமே செயல்பட்டு வருகிறது. பல கிலோ மீட்டர் தூரத்தில் உள்ள கிராமங்களைச் சேர்ந்த இளைஞர்கள் இங்கு வந்து நீச்சல் பயிற்சி பெறுவது சாத்தியம் இல்லை.

எனவே நீர் நிலைகளில் தண்ணீர் இருந்தாலும், இல்லை என்றாலும் ஆண்டு முழுவதும் கிராமப்புற இளைஞர்கள் நீச்சல் பயிற்சி பெறும் வகையில் மதுரை மாவட்டத்தில் உசிலம்பட்டி, மேலூர், திருமங்கலம் ஆகிய நகராட்சி பகுதிகளில் அரசு சார்பில் நீச்சல் குளம் அமைக்க உத்தரவிட வேண்டும்.

இவ்வாறு மனுவில் கூறியிருந்தார்.

இந்த வழக்கை விசாரித்த நீதிபதிகள் கே.கே.சசிதரன், பி.டி.ஆதிகேசவலு ஆகியோர், மனுதாரர் தனது கோரிக்கை குறித்து சம்பந்தப்பட்ட நகராட்சி அதிகாரிகளிடம் மனு அளிக்க வேண்டும். அதன் அடிப்படையில் அதிகாரிகள் 4 மாதத்தில் பரிசீலித்து உரிய நடவடிக்கை எடுக்க வேண்டும் என்று நீதிபதிகள் உத்தரவிட்டனர்.

 

Source: https://www.dailythanthi.com/News/Districts/2019/01/10040407/The-court-ordered-to-consider-the-suspension-in-Melur.vpf

Add comment


Security code
Refresh

Melur Links

Get it on Android Playstore